【維港會】港女紙巾霸位不成 網上公審對方反被嘲

一名女網民在Facebook群組「香港花生友」發文 ，指上周六（30 日）於街上感到頭暈不適，於是到一間連鎖咖啡店休息，由於獨自一人，身上只有紙巾、銀包和手機，離座買飲品時，便把紙巾擺放在枱上，以示「個位有人坐」。誰知回座位時，發現座位被兩名男子坐着。她稱自己有禮貌地向對方表示，「唔好意思啊，頭先我擺左包紙巾喺度，個位我坐緊架」，語畢，其中一名男子已經準備起身把座位讓回女子，惟另一名男子卻質疑回擊：「吓？我點知包紙巾係你架，擺左係到個位就係你架啦？」

女子再解釋「唔好意思啊，因為我身上冇乜野，所以先擺包紙巾」，可惜對方已惡言相向，女子更激動地指對方「點解你咁野蠻！」但因自己身體不適而放棄跟對方爭論。女子將不願讓坐的男子照片上載網上公審，更指「請大家小心此野蠻人。」

不過網民似乎多不認同該女子的做法，指「紙巾留位又真係野蠻咗，比著大部份人都唔會好態度」、「你自私人哋一樣可以同你鬥自私」，亦有人指她隨便公審別人的做法不當。

也有網民建議「其實可以試下叫附近嘅人幫你睇一睇，通常都會幫手嘅」、「下次攞走銀包電話，放個袋霸位，如果冇帶袋出街就除件外套霸位」。