【Kelly Online】「四電一腦」免費除舊回收 大嘥鬼飛踢不法零售商

政府「四電一腦」生產者責任計畫去年8月起正式實施，當市民購買冷氣機、雪櫃、洗衣機、電視機等受管制電器時，零售商必須提供法定免費除舊服務，市民並可要求在同日除舊迎新，不過到今時今日部分零售商明顯仍不合作。

大嘥鬼就在facebook發文大鬧，竟然仲有不法零售商無安排回收舊機，要起飛腳踢佢哋，「仲話要加錢先可以安排送貨？你呃人」呢啲不法零售商就等阿鬼師傅嚟對付佢啦！」

阿鬼仲話重要事要講三次，即是除舊服務係免費、免費、免費㗎！同時，當市民買新「四電一腦」時，可以要求在3個工作天後（即星期一落單，星期四除舊）上門回收舊機，咁就可以做到即日除舊送新，大家記得唔好跌入不法零售商嘅圈套。