【維港會】港女混淆「ME」及「MY」大鬧診所 港爸糾正反被鬧性騷擾

用字稍有不慎，都會因「差之毫釐，謬以千里」，以令人誤會。近日，在Facebook專頁「診所低能奇觀」就分享了一名港女在診所看醫生，因分不清「Me」及「My」，令人啼笑皆非的趣事。

近日，一名港女因病假紙問題而在診所內大吵大鬧。她先質問診所護士，指「你而家答我！即刻答我！係咪我有需要寫多幾日抖多幾日，而家都唔得先？」該名護士回答指，「小姐，我頭先已經講得好清楚，如果你仲係唔舒服嘅，可以再俾醫生睇睇～醫生睇完認為你需要休息嘅就會寫病假紙俾你」。然而，該港女不但要求護士閉嘴，更一邊「拍枱」，一邊大聲地指「Listen to my asshole！我唔係需要睇醫生呀！」，令該名護士感到不解及尷尬，只好回答「應該唔係咁ok呀…你有需要嘅不如睇醫生，同醫生講啦」。誰料，該港女竟大罵對方「白痴」，並再次指「have you listen to my asshole？」

一名在場的男童聞言後，隨即詢問父親該句英文的意思。該父親則回答指，「佢叫姑娘檢查佢patpat呀」，並對兒子解釋指對方可能是「生痔瘡」。該港女隨即極為生氣，並指罵該名父親，指「你痴咩線呀？我告你性騷擾都得呀！你講咩呀？」，該父親則反問對方，指「你唔係生痔瘡洗咩叫姑娘睇你呀？」。由於對方一直否認曾叫該名診所護士看其臂部，令該父親大為不解，其後終發現對方是混淆了「Me」及「My」的用法，而引起誤會。他隨即糾正對方，指「你連me同my，you同your都分唔到呀？唔係呀？你講my就係叫人聽你嗰度喎，你真係唔識㗎？」。該名父親擔心自己弄錯該兩個生字的意思，更特地向其兒子確認，並問「老豆冇錯呀？me係我，my係我嘅呀嘛？」，並獲其兒子點頭同意。該名港女隨即默不作聲，並紅著臉離開。

不少網民其後紛紛留言，取笑該名港女「又要講英文但係又講錯」、「goodest english 」等，亦有人笑言「定係嗰位小姐個名叫asshole啊?」。不少人則大讚該對父子，指「英雄爸爸」、「爸爸又通街塞錢落人地個袋」等。另外，亦有人指，「用中文講我要放假呀，咁咪算囉」。