手傷痊愈大圓環倒吊重現 鄭伊健澳門站心情靚爆

鄭伊健2月在紅館開騷時弄傷右手臂引致韌帶撕裂，並取消大圓環倒吊表演，經過兩個月來悉心治療和配合適當運動後，終於完全康復，高難度倒吊動作前晚（20日）於澳門站「復活」，贏得全場掌聲，伊健非常開心興奮，全晚笑不攏嘴。
由於場地和各種原因，早前美國站無法帶埋管弦樂團和日本機械人演出，前晚澳門站四面台設計，將紅館四面台表演搬到澳門，這兩個環節亦「復活」。不少觀眾入場見到舞台時都驚歎：「嘩，四面台好勁呀！」
在第二環節伊健大顯身手，又打又跳，而且成功表演在巨型圓環上倒立的動作，然後沒有立即落地，而是用雙手支撐身體吊在圓環，雙腳Hold在半空凌空踩單車動作，以展示手臂傷勢已成功痊愈，麒麟臂和腹肌都非常有力。所有動作完成後，伊健展現滿意的笑容。在另一環節，專程從日本訂製的巨型機械人出場時，不少觀眾驚喜O晒嘴，機械人與伊健對打加上煙花和爆破效果，嘩聲四起，最後他們化敵為友大團圓結局，伊健帶住機械人繞場演唱《友情歲月》，全場1.2萬人大合唱，非常震撼。

騷後伊健接受訪問，坦言好滿意澳門站演出，尤其是觀眾反應非常熱烈。至於手臂傷勢，他說：「好番晒啦，多謝醫生和健身教練Michael悉心照顧，個倒吊動作之前練咗好耐，終於可以做得返，令演唱會好完滿。」為配合不同地方舞台設計，伊健透露每個站都會有變化，說：「下一站係6月22日馬來西亞雲頂，雖然唔係四面台，但我哋諗咗啲新嘢，總之每個站都會有驚喜。」