為同地球溝通少買科技嘢 鄭伊健：盡量啦

鄭伊健還有不到兩星期就在紅館開騷，在這之前他拍了一輯廣告，探討全城熱話「長命百二歲」，更考慮重返校園。
伊健向來非常注重養生和愛惜大自然，所以如果重返校園，他希望修讀一些科目以多角度了解世界，並希望透過學習更了解大自然和地球。他說：「現今太多人只相信科技，但我就更相信大自然力量，大家唔好忽視，地球好多災難都係同大自然有關，所以我想學習多啲點樣同地球溝通。」平時伊健如何跟地球溝通呢？他說：「打座、靜默、買少啲科技嘢……（你喎？）我依家通常睇，好少買，希望產生少啲廢物，盡量啦！」
如果要拉埋身邊朋友一齊重返校園，圈中朋友伊健必選導演劉偉強，以及與他音樂上合作無間、月底紅館演唱會的音樂總監陳光榮。伊健笑說：「如果要揀兩個朋友同我一齊返學，不如陪我一齊逃學。第一個肯定係劉偉強，佢一睇就知唔係讀書人啦！不過佢好本事，成為一位好出色和好出名嘅導演，佢唔係淨係靠讀書，好多嘢都喺社會學返嚟；至於陳光榮不單係我工作夥伴，我哋一齊成長，一齊增值自己，佢都喺人生經驗上學習。」