【安心出軌】唔回應Flow撐心穎 馬明：件事過咗去仲講乜鬼

「安心出軌」事件持續發酵，日前風牛馬不相及的落選港男梁裕恆（Flow）網上發文，力撐黃心穎搶人夫只是追求愛情，罪不至死後，瞬即被網民狂轟抽水。

馬國明今日如常現身電視城化妝間，化妝後乘坐公司廠車外出拍攝《降魔的2.0》外景。談到梁裕恆發文撐黃心穎，馬明笑笑說：「無回應，件事過咗去，再講，講乜鬼。」問到可覺得對方太多事？他說：「無回應，真係無回應。其實所有人講咩都無回應，人哋鍾意講都無辦法。（心情OK？）OK啊，繼續努力工作，多謝大家。」