心穎睇伊健騷 high到打爆嘢

鄭伊健再踏紅館舉行演唱會，吸引大批圈中藝人捧場。黃心穎昨晚都有現身捧伊健場，之後她在社交網曬「集郵」照，留言大讚伊健「佢真係天生一副大俠相」以及「白背心look好正」，自爆「high到打爆咗幾支棒！」此外，心穎更上載了曾跟伊健合作到澳洲拍電視節目《度身訂造旅行團》的舊照，坦言「估唔到已經係6年前嘅事！」更慨歎相中的自己「好青蔥呀」。
此外，當年在電影《古惑仔》系列飾演大反派「烏鴉」的張耀揚亦有拖女伴到紅館捧伊健場，他更坐在第一行，伊健走到台邊跟觀眾握手期間，造就了「浩南」跟「烏鴉」握手的畫面。