Alexander挑戰裸泳 金鐘國難忍美食「失手」香港

韓星金鐘國、韓國唱作人Eric Nam、男團U-Kiss前香港成員Alexander、譚杏藍（小花）等現身新加坡出席Paul Foster主持的節目《No Sleep No FOMO》全球發佈會。金鐘國作為香港站特別嘉賓，他笑言：「真係對唔住各位，因為我只係參與咗10小時拍攝，對我嚟講都好有難處，大家都知我好注意健康同飲食，今次因為拍攝需要，食咗好多香港美食。」貴為綜藝老手的他，竟在香港「失手」：「去咗香港一個兒童樂園拍攝，原本以為好簡單，不過所有競技設施都係畀小朋友玩，對我嚟講真係好難啊！」
小花自言有嚴重畏高症，今次半推半下竟然去了跳瀑布；又有一晚跟主持Paul在印尼入住鬼屋，睡夢中聰到有人唱歌，及有兩部攝影機中途失靈，超驚嚇！Alexander則自爆節目一大「亮點」：「我有挑戰裸泳！跳落水之後，經理人係咁叫我游遠啲，原來因為啲水太清太乾淨，一望就望到水底，所以我都…幾sexy！」
隨後眾人分成兩組大跳TWICE的《TT》，金鐘國尷尷尬尬跳得不太自然；兩隊又於一分鐘內鬥食檸檬和狂飲兩公升朱古力飲品等。