維港會：火爆貨van司機燈位落車 拍打七人車粗口大罵

駕駛態度問題？有網民在荔枝角長沙灣道，目睹一名客貨車司機在燈位落車，從左綫走到右綫，拍打另一輛車車身，以粗口大罵車上司機，引起網民議論紛紛。

網民Ming Wai在Facebook群組上載一段行車記錄儀片段，見到一輛客貨車沿長沙灣道左綫行駛，到去到紅綠燈位停下時，客貨車男司機突然開門落車，繞過中綫一輛寶馬私家車，到右綫一輛七人車破口大罵，七人車於是調低乘客位車窗，客貨車司機繼續粗口怒駡。十多秒之後，客貨車司機行返自己車上，但期間一路行一路鬧，到交通燈號轉為綠色客貨車都未開車。而七人車則照樣開車，不過七人車強行扭左切綫，攔阻了中綫的寶馬，被網民質疑駕駛有問題。

由於不知因何事起爭執，網民都紛紛要求索取「前傳」。有人就話「放鬆啲啦，香港人」，「人地揾食車，好大壓力，啲假日車又遊下遊下咁，都唔怪得咁燥嘅」。

有網民就指，「架七人車咁閘架bmw已經可以1823」、「寶馬好無奈」、「中間架寶馬個司機嚇x死，做咩隔離個van佬落車」。