維港會：SUV濕路高速轉彎 「飄移」險剷4名途人

天雨路滑，司機應小心駕駛。不過有網民上載一段行車記錄儀片段，見到一輛SUV旅行車在路口高速轉彎，SUV失控「飄移」幾乎撞上行人路上4名途人，幸好最終SUV及時救車，才避過意外。

網民Ming Wai在Facebook「馬路的事討論區」，一輛SUV在長沙灣興華街西右轉入通州街，不過懷疑車速太快加上踩煞車，跣軚甩尾幾乎撞上等過馬路的4名途人，途人嚇得向後退，幸好SUV最後穩住避開。

有網民就稱「套電子嘢救咗佢，如果冇抄咗囉」、「個循跡系統救咗班路人一命」、「真係執返身彩救唔到掃埋去就4件」，網民就批評「雨天路滑，明知轉彎就慢啲啦」。