維港會：的哥找錢兩張摺埋紅衫魚當$300 醒目客發現保不失

找錢要留神！有的士乘客指付了500元車資後，應獲找回300多元，但司機竟將兩張100元紙幣摺起來，當300元找續，幸乘客及時發現，未招損失。乘客事後發帖籲網民「數清楚先落車」，有網民慨嘆「的士司機1000個只可能有1個係好司機」、「的士朋友唔好話搶生意針對你哋，係自己做唔好本份」。

有網民在facebook群組「將軍澳」發帖，稱前晚乘搭的士，車費192元，自己付了一張500元紙幣，但司機只找回208元，「好在我睇清楚，最後叫司機畀返$100我」。樓主說，「你哋搭要數清楚先落車。」

不少網民都批評事件中的士司機的欺詐行為，直言「呢啲就係的士業界講嘅 #uber做唔到嘅的士做到」，不少網民亦分享類似經歷，認為市民改搭uber也無可厚非，「我試過好幾次，每次都係欠$100，同司機講完，佢check都唔check即回水。好明顯已經明知！」、「朋友試過搭咗幾十蚊畀$500，司機話冇$100紙，找咗4疊廿蚊紙，但落車後先發覺每疊得4張」。