【西九奪命車禍】車長家屬冒雨路祭 遺孀痛哭呼喊：求下你返屋企

西九龍快速公路周一(4日)發生城巴與貨車相撞意外，釀成2死16傷。意外中，59歲城巴司機蘇國偉及54歲的貨車司機林膽紅不幸身亡。城巴司機家屬及親友今早冒雨，在警方安排下前往現場進行路祭。

早上11時許，城巴車長蘇國偉的家屬到現場拜祭，蘇國偉的遺孀哭成淚人，跪地痛哭，需親友攙扶。蘇妻邊拜祭邊哭喊：「老公，我煲咗湯呀，你做咩唔返嚟飲？你喺嗰邊好好哋呀！3個小朋友好掛住爸爸！」、「我求下你返屋企喇！好唔好！返嚟喇！」。而蘇國偉的同事亦叫喊「阿蘇，落更啦！」場面令人心酸。

事發於本月4日，一輛967號城巴早上約10時20分，在西九龍快速公路往香港方向與一輛中型貨車相撞，救護員到場，證實城巴司機當場死亡，貨車司機送院搶救後不治，意外造成2人死亡，16人受傷。

建立時間 11:41
更新時間 14:43