打工仔救被棄貓B兄弟 老闆准帶返工照顧同事輪流餵奶超有愛

打工仔最開心莫過於遇到充滿愛的好老闆和一班好同事。有網民近日在facebook分享其救貓經歷，稱月前暫托一對被遺棄的貓B兄弟時，老闆不但二話不說准許帶牠們返工照顧，同事們更輪流餵奶和換暖水袋。如今貓B兄弟快高長大，不用再返公司，貓貓Last day當日「同事都好唔捨得」；老闆則說「兩兄弟好好彩，遇到你奶媽（即樓主）執身彩」，但樓主則認為兩兄弟好彩是「遇到你奶媽我有個咁好嘅老闆」，笑言「好老闆同好老公一樣，好難揾！」

網民Kali Lam上月在其facebook發帖，指去年12月上旬寒流襲港期間，遇到兩個「百厭仔」，形容要過着「眠乾睡濕」的日子，但有幸在一間「有人情味嘅公司，再加個有大愛嘅上司，可以湊埋佢哋返工，唔怕餓親！」她當時上載貓B兄弟照片，可見兩兄弟只有約手掌般大，而且仍未開眼。

至個多月後，Kali前日（20日）在facebook群組「天下貓貓一樣貓群組」發帖，分享拯救貓B兄弟經過，指兩兄弟一出世已被人放入紙盒掉出街，幾經轉折終由她充當貓B「奶媽」，這「個多月每日跟我返工放工，日日遊車河，好彩有班同事幫手輪流餵奶換暖水袋」。而現在貓B兄弟已長大，取名「忌廉哥」、「黃小虎」，並找到領養人，不用再「返工」，Kali 更指Last day當日，同事都很不捨得孖寶兄弟！
她續說，兩兄弟臨走時，其老闆說：「你兩兄弟好好彩，遇到你奶媽執身彩，如果唔係一早凍死！」但Kali反而認為：「你兩兄弟好好彩，遇到你奶媽我有個咁好嘅老闆，比我帶埋你哋返工，如果唔係一早餓死喇！」最後更謂「好老闆同好老公一樣，好難揾！」

帖文引來大批網民讚好，並大讚Kali和老闆有愛心，「比好奶媽，好Boss100萬個讚」、「最佳老闆」、「成間公司都好有愛心」、「貓咪遇到妳係福氣」。Kali亦留言稱「同事之間friend咗好多」，網民都紛紛祝福樓主公司生意興隆。