維港會：因「好愛老婆」登報脫離母子關係 網民質疑另有目的

「阿媽同老婆跌落水，救邊個先？」想必考起唔少男人，婆媳關係可謂千古難題。但點都好，相信大家點都唔會因為婆媳糾紛，而唔要阿媽。不過，世上真係有啲咁嘅「不孝子」，Facebook群組「北區」，有網民貼出一幅登報聲明，稱因為婆媳糾紛而要脫離母子關係。

該男子於聲明中表示，其母親同佢老婆發生婆媳糾紛，聲稱自己好愛老婆，所以放棄阿媽。唔少網民怒轟兒子不孝，不過有又網民疑似「突破盲腸」，質疑「不孝子」真正目的是想分戶，或方便申請綜援或公屋「為了分戶，都做到幾盡，好快一個拿到綜援，另一個攞到到公屋」，有網民更認為「似阿媽代個仔登嘅廣告」。