【港鐵大故障】森美聲演「塞爆列車」：不停輪迴幾世都未到

港鐵4條主線路出現信號系統故障，服務嚴重受阻，返工返學的市民都大受影響。有網民將交通大亂情況改圖模仿電影海報為《返工2.0》，而曾為港鐵拍攝宣傳片「港鐵準時咗」的藝人兼電台主持森美亦為模擬電影預告片聲音演出。

藝人森美也是今次港鐵故障的受害者，在電台節目中也謂，其女兒亦花了45分鐘，才由九龍塘站到達太子站，最終由他駕車接載女兒到中區上學，笑言：「香港人真的很喜歡返工返學，這麼辛苦也要返，顯示出拼搏精神。」 

森美在片中旁白相當「激昂」，體現了打工仔返工的意志：

繼返工之後，香港市民又一巨獻，「塞爆列車」！究竟你有幾想返工，畀你一試就知道！一次普通嘅路程，點樣可以攞你命。去到車站入唔到閘！入咗閘上唔到車！上到車唔閂門！閂咗門架車唔開！車開咗佢又停！停咗佢又唔開！開咗佢又停！停咗佢又唔開！開咗佢又埋站！埋站佢又唔開門！開門佢又唔閂！不停輪迴幾世都未到！

老細一早返到，所有員工失晒蹤，大叫搞錯減人工，全港市民翻眼演出，大人細路傾力擠迫！返工返學好容易，等你試下塞到懵，「塞爆列車」！10月16號，全城失蹤！本片青少年及兒童終於到你！