【偷皮蛋？】女子否認偷貓見無家可歸好心照顧：成身油淋淋又多蚤

旺角一家麵包店月初發生失貓事件，看店貓「皮蛋」本月5日被一名女子抱走後遲遲無歸還，職員在店舖貼出尋貓啟事，昨日更報警聲稱被偷貓，引起網民譁然。警方到場調翻查閉路電視片段後，聯絡上「抱貓人」。今晨涉嫌抱走「皮蛋」的女子在Facebook發文否認偷貓，聲稱見花貓無家可歸才好心照顧，更聲言不介意店主出面對質。

女網民聲稱，當日下班行經麵包舖，之後就見到一對情侶望住隻貓，不過當時麵包舖已經關門，「我認得隻貓好似係麵包舖嘅，但我驚隻貓會俾人抱走，咁我就抱起咗皮蛋返自己鋪頭先啦」。

女網民解釋，「但係我冇養貓嘅經驗，之後我就俾咗我同事收留咗佢，因為佢養開貓」。之後第二日女網民去了麵包舖，跟職員說「皮蛋俾我同事暫時收留咗，因為噚晚佢哋閂咗門，所以我同事暫時養住先」。

女網民又反駁，「因為我同事放大假，要等佢放完大假，先可以攞返嚟俾佢哋」，「如果我真係好似店主所講咁偷貓，我會唔會蠢到去返佢鋪頭同佢地交待呀？」。

女網民形容，當時接到「皮蛋」時，「又瘦，成身油淋淋，又多蚤，無頸帶，無名牌」，「質疑如果真係咁有愛心，點解隻貓會養到咁?如果你真係有愛心，我當日落來交待番比你哋收銀嘅同事既時候，我真係感覺唔到你哋有半點嘅喜悅」。她又稱，同事之前都試過在街頭執過「皮蛋」，再抱回麵包店，「你哋由得佢訓車底，坑渠邊，真心愛錫貓嘅，唔會係咁樣囉」。

不過網民反應不一，有人認為麵包店就算無妥善照顧，不問自取始終是偷貓。但也有人認為，事主見貓無家可歸，恐防不測，其實是「救貓」。

昨日麵包店職員報警，警方表示，下午5時接獲48歲姓關男貓主報案，指有人抱走了其貓，其後警方翻查閉路電視錄影片，聯絡上抱貓人，但對方未有即時交出貓隻，協商之後再歸還，案件原列求警協助，警方經進一步調查後，改列雜項處理。