「驚青貓」捨身趕蛇 主人哭別:貓星落下凡間守護我

一位住村屋地下的貓主，在社交平台分享忠心愛貓為救主人，奮勇趕走毒蛇，卻因此喪命。貓主哭訴：「牠救了我一命～等於救了我仔女的媽媽，我老公的老婆～」
貓主Cecilia在facebook群組「天下貓貓一樣貓」分享昨日驚青愛貓英勇救主人的事件。「我住村屋地下，家門外是樓梯底，左一道鐵閘往樓外，右一道鐵閘關著上不了上層，而鐵閘亦有網或板封著空隙，貓穿不過，所以我一直覺得很安全，萬一貓跟左人出門都出唔到閘～點知貓過唔到，蛇可以⋯⋯」
「噚日我開門往樓梯底鞋架換鞋，屋企拖鞋都除咗，伸緊隻腳去出街鞋度，其中一隻貓『藍妹』突然撲出黎攬住我腳咬，同一時間另一隻『精靈』撲去我出街鞋度，我先見到原來有條蛇呢埋左係我對鞋度！」
「藍妹咬停我腳後就撲埋過去同精靈一齊捉蛇，我叫佢地兩隻都唔肯返黎～ 過左好似一萬年的幾分鐘，蛇被打跑了經鐵閘小孔逃出去，藍妹係樓梯底鞋架角落喵咗幾聲跟住行返入屋嗲我，但係精靈無叫，無返黎⋯⋯」
Cecilia表示，尋到「精靈」後，即抱入屋，不足一分鐘，「精靈就好似透唔到氣咁卷埋個身走咗⋯⋯」她表示，如非「藍妹」撲出咬著她的腳，如果沒有「精靈」撲出咬她出街的鞋，大概踩著條蛇，「噚日死嗰個就係我⋯⋯」
她表示，勇敢救主的「精靈」，是她老公前年從坑渠救出來，一向比較「驚青」，「噚日，佢為咗我，用了佢一生的勇氣⋯⋯」以前覺得是老公救了牠，現在才發現「牠是從貓星落下凡間守護我」。