【明目張膽】鐵騎警當前紅Van照衝燈 網民：用5分換快咗3秒

司機和行人應時刻遵守交通規則，但有紅色小巴司機不但違規，更明目張膽地，在交通警面前衝紅燈。有車主的車Cam拍攝到事發經過，片段掀起熱議。有網民笑小巴司機：「你睇我唔到」、「用5分換快咗3秒」。

有網民在facebook群組「馬路私事討論區」上載車Cam片段，事發是昨晚（4日）6時許，可見一輛紅色小巴沿荃灣青山公路駛至愉景新城附近燈位時，旁邊亦有交通警在等轉燈，結果黃燈未亮起，小巴已衝燈開出。片尾可見，小巴轉右往大涌道時，交通警已追至並擬截停小巴。

大部分網民都留言笑小巴司機「明目張膽」、「贏在起跑線」、「傳說中既隱形戰車...你睇我唔到」，「所以學車嗰陣話開車要望兩邊鏡」，有網民亦教路「有鐵馬隔離，同一燈位梗係等佢行先最安全」。另有人懷疑小巴司機是「習慣成自然」。