獲小食店贊助200隻雞翼後「甩底」封鎖訊息 科大學生會主席親身向店主道歉

識讀書不代表識做人？暑假快完，大專院校的學生團體陸續舉行迎新活動，找贊助更是必備元素。但有食肆在社交網站facebook批評，近日食店答應贊助「香港科技大學學生會冰川社三學生會」的迎新營共200隻炸雞翼，原定今早交貨，但學生今早突透過傳來手機短訊，草草留下「取消」及「sorry」就即封鎖食店的號碼，令食店東主大為憤慨將事件公開。科大表示，有關同學承認於處理事件手法上有所不當，已於今晚（29日）偕同科大學生會主席親身前往相關店舖，向店主鄭重道歉。

學生會冰川社三學生會在facebook就事件發帖道歉，並解釋今日（29日）上午因天雨關係以致活動時間需要臨時變動，未能及時作出恰當的安排和決定，並承認未有及時通知店主，為此造成食物浪費感到非常抱歉及內疚。學生會在活動完結後已即時親身到小食店，為事件解釋及致歉，已得到店主原諒。學生會稱，已汲取教訓，並保證日後不會再有類似事件發生，亦願意就今次事件為小食店負責一切損失。

西貢小食店「髀魔」發文，透露「早兩星期前有個後生仔，話自己係科技大學學生」，提交了贊助計劃書希望小店贊助他們迎新營的一些，「我哋諗住大學生係社會未來棟樑，只係少許食物贊助當係幫下佢哋，就二話不說應承贊助佢哋200隻雞翼」。

小食店形容，「其實佢（學生代表）嚟到時態度已經不太好，佢簡單講自己係邊個之後，就叫我地贊助佢野食，我哋應承贊助佢哋，佢竟然一句多謝都無，反而仲話可以幫到我地小店喺科技大學做宣傳。老實講，如果我哋真係想做宣傳的話，實在有大把其他平台啦... 難道佢覺得我哋應該要感激佢嗎？」

小食店又指，「到咗今日交貨日子，本來我哋約好10:30am交貨，但喺半夜1點幾接近兩點，我地收到哋個年青人嘅Whatsapp話想早半個鐘拎」，「我哋一早已安排好人手，預早2個鐘頭返舖頭預備食物，而同事亦喺10:07am預備好所有食物。我哋即時通知左個年青人，佢就只係覆咗句ok。一個鐘後，大約11點左右，個年青人仲未到，同事再同佢聯絡，他話安排人手到取，再過一陣問佢，他就一句sorry，另一句cancel，然後就封鎖我哋小店嘅whatsapp。」

事件引發過千名網民聲討，揚言要找出涉事學生負責任，「呢啲咁嘅學生簡直係科大之恥。建議店主可以寫信去科大校長跟進此事。店主熱心助人，極LIKE」、 「 願他們畢業後永不被任何公司錄用」。有網民更建議一刀兩斷，「唔好贊助佢哋（大學生）啦！免費嘢佢哋唔珍惜架」、「以後的人搵唔到人贊助，真係唔好問點解，做好心都比人咁樣對待」。

科大就宿舍學生會向食店徵求贊助後失約事件，已向相關同學了解，並指有關成員承認於處理事件手法上有所不當，已於今晚（29日）偕同科大學生會主席親身前往相關店舖，向店主鄭重道歉。

科大表示，有就學生會的迎新活動提供指引。大學提醒同學應時刻留意言行、尊重自己及他人，並注意社會對接受高等教育學生的期望和要求。

建立時間：21:20
更新時間：22:53