封殺曾志偉唔畀主持港姐？余詠珊：百分之百無

2018-08-21 18:33

《2018香港小姐競選》公佈司儀名單，包括鄭裕玲（嘟姐）、陸永、C君、蕭正楠、曹永廉、陸浩明、麥明詩、麥美恩及馮盈盈擔任，一如所料曾志偉沒有在列。

無綫助理總經理余詠珊解釋，希望經驗較淺的司儀吸收經驗，她更矢口否認志偉被封殺，話來年會有機會合作。有指曾志偉因於ViuTV亮相及「港姐西貢論」被無綫封殺，志偉出席活動亦親口承認從未收到邀請擔任今屆港姐司儀。提到志偉未能成為司儀，余詠珊說：「志偉係我同何小慧嘅師傅，唔係一年一年咁去計，我哋之後有好多合作搵佢。同埋我哋今年個賽制決定得好遲，亦想畀多啲機會新生代。（即無封殺志偉？）無封殺，絕對無，百分之百無。」談到志偉表示從未收到邀請，問到可會跟他解釋？她稱：「我哋有同佢聯絡，等做埋香港小姐先，再同志偉坐低傾吓之後有咩節目可以做。」