張繼聰喪問「邊個要奶奶」 囡囡嫌煩話阿爸曳曳

「晒B狂魔」張繼聰又發功，在社交平台上載囡囡張靖的可愛短片，片中阿聰問囡囡：「BB要奶奶，爸爸要啜啜，邊個要奶奶？邊個要啜啜？」張靖都回答：「BB！」表情上仲有點兒不耐煩，似乎頂爸爸唔順。阿聰逐次引導囡囡答爸爸，問得太多次，仲俾張靖話：「曳曳」，繼而真情流露掩面，無眼睇爸爸。最後阿聰玩夠，叫囡囡笑都成功得到張靖報以可愛笑容。

阿聰甫片及留言：「玩咩唔重要，最重要係同邊個玩，剩係玩邊個飲奶奶？邊個要奶嘴都已經玩成晚」。網民都搞笑指：「BB好得意，爸爸好煩」、「爸爸要搶奶奶所以好曳曳」、「爸爸以玩到個女忟憎為樂」。