【繼續留院】余德丞大步檻過首開腔：多謝全香港每一位嘅關心

28歲的余德丞（Dickson）在本月8日因踢波不適昏迷入院，留醫深切治療部（ICU）近5日後，已轉送心臟科病房觀察，身體逐漸康復。今日他透過無綫網上平台報平安，入院後首度開腔剖白身體情況。

Dickson聲線精神，感言：「我真係覺得自己好好彩，非常感恩、開心，今次可以大步檻過，醒得返再同你哋講嘢。所以衷心多謝全香港每一位嘅關心、問候、祝福同集氣，令我能夠醒得返，真係衷心多謝你哋每一位。」

他續說：「其實真係醒返先知道件事，嘩，原來都幾嚴重，因為昏迷嗰陣個心都停咗一段比較長嘅時間，所以起得返身同大家傾偈真係好好彩。喺呢幾日裏面慢慢康復，講嘢都清楚咗，咁當然醫生都建議我要留院多一段時間，Check清楚身體係咪真係OK喇，先至可以出到院。最後我好多謝瑪麗醫院嘅上上下下咁多位醫務人員，佢哋悉心嘅照顧，同埋幫我喺關鍵時候幫我做心肺復甦嘅足球隊隊友，仲有屋企人每日都嚟支持我、整嘢畀我食。仲有TVB嘅上上下下咁多位好同事，同埋咁多位傳媒朋友，冇咗你哋一位都唔得。所以希望可以快啲出院同大家見面啦，有咩新嘅消息再通知你哋，記住身體健康最緊要。」