新歌講夫妻相處秘密 謝安琪笑張繼聰感情「激凸」

謝安琪（Kay）到電台宣傳新歌《人妻的偽術》，她透露新歌講述夫妻間的相處，歌詞引起不少身邊好友共鳴，聽到眼濕濕之餘，更有人跟她分享夫妻之間的秘密。問到她跟老公張繼聰之間有甚麼秘密？Kay笑道：「大家聽歌估吓啦！」

此外，談到大仔張瞻早前小學畢業，Kay跟老公張繼聰都非常感動，張繼聰仲感動到喊。她笑說：「估唔到張繼聰咁感性，佢咁大隻，佢嘅感情同啲肌肉一樣係凸出嚟嘅，好得意。」Kay表示看過畢業禮的片段，的確是非常感慨，尤其張瞻講的一句說話「You should be proud of yourself」。