張繼聰為挽回囡囡的愛：連機動遊戲都撈埋

張繼聰早前在社交平台上載測試影片，要女兒張靖（KaKaBall）在哥哥張瞻和他這個老爸之間二選人，結果阿聰爭不贏囝囝，老婆謝安琪還爆阿聰不單贏不到她和兒子，連工人姐姐都鍊贏阿聰。
於是，阿聰昨晚再上載跟囡囡玩的片段，留言：「連機動遊戲都撈埋」，由於KaKaBall被阿聰一個凌空後翻落地後，急急跑向鏡頭前，好多網民都留言「嚇到阿妹滾水淥腳走」，於是他再上載一條片，是KaKaBall玩到開心拍掌，為再玩多次甘願向老爸獻吻片段，阿聰留言：「睇完上條片，有人問妺妹有冇好驚？佢的確係好驚，好驚冇得再玩！依類親子活動其實對小朋友大腦，平衡力發展等都好有幫助，不過動作係經老師教導，各位朋友切勿隨意嘗試」。阿聰在第一條片也有回應網民，KaKaBall其實是急住走去睇片咋！其實KaKabBall全程都有望向鏡頭，遺傳了父母的表演慾。