甜蜜拖手騷婚戒 鄭嘉穎陳凱琳明言生「豬」仔

鄭嘉穎與陳凱琳在峇里結婚後返港，兩公婆約凌晨12時步出入境大堂，甜蜜拖手兼騷戒指，期間有傳媒叫嘉穎錫啖太太，兩人只輕輕擁抱。被問到是否雙喜臨門，嘉穎表示：「有好消息先講啦，都未有消息。」。被問會否想追生「豬」BB，他謂有排才到豬年，「都好嘅，豬仔福氣。」

當陳凱琳被傳媒叫佢鄭太，佢直言唔慣，指空姐飲品昨時是叫他們，形容感覺得意，而嘉穎則稱慢慢就慣。被問到會否在香港補擺喜酒，嘉穎表示不會，「我哋心目中想要一個簡單婚禮，亦都得到雙方屋企人同意，好圓滿好係我哋想要嘅嘢」。