維港會：外傭巴士上忽掌摑小兄妹 乘客勸阻反被鬧：關你咩事

有網民表示，其母親乘坐巴士期間，見到一名外傭只顧住玩手機，期間忽然掌摑2名少主，其母親以及其他乘客路見不平出言阻止，外傭反過來鬧「關你咩事」。網民不忿於是網上發相籲找到當事人的僱主，之後稱僱主已得悉並已處理事件，但無透露詳情。

網民Carol Leung在社交網站Facebook表示，其媽媽大約下午2時坐283號綫巴士往沙田方向時，見到1名年約3歲女童以及年約6、7歲男童，當2名小童只是自己在玩的時候，「呢位賤印傭不停看手機，然後突然一巴打向來小女孩及大男孩！（共2巴掌）」。

網民的媽媽於是責駡外傭為何要突然打他們，「但係反而賤女傭更加大聲罵我媽媽說關你甚麼事！還有另外一位女士都忍不住出聲，因為她實在太大聲返鬧我媽媽！希望盡快找到家長立刻留意這個賤印傭！」網民稱，因為這兩位小孩實在太驚慌，所以可能未告訴家長。

網民稱，「最陰公就係我媽同個小妹妹講記得同媽咪講，個小妹妹搖頭啊，即係代表如果同媽咪講情況更嚴重！好擔心佢哋平時唔知會點呀！」

有目擊者稱：「我睇到她打人!我和婆婆一起坐，她還話婆婆多事，罵完再睇手機」。不少網民轉發開去，希望2名兒童的家長得知事件。而發相網民之後補充，指家長已經聯絡，「我係你噚日post 上Group 對小兄妹嘅媽媽，我已經知道左整件事情，希望各位能夠不要再轉發，感謝！我和先生已經共同處理左件事情！感謝各方朋友對小兄妹的關心！謝謝大家！」，但指家長無交代後續詳情。發相網民明顯不滿，質疑「或者家長都係一樣係呢啲人！因為當時工人話佢媽咪知道佢打佢哋都唔會鬧佢」。

事件惹來網民譁然，不少人批評外傭行為過分， 「應該即時報警告發佢」、「應該即刻報警，虐兒啊」、「即炒喇」；但也有人認為發相網民不應遷怒於家長，「人哋都話處理咗仲想點，人地私事駛同你交代」。