巴士司機對每乘客講多謝拜拜勁有禮 網民驚訝又感動：仲有人返工咁有熱誠

打工仔懷着敬業樂業的態勢實屬難得。有網民分享，昨日OT後已疲憊不已，但乘搭巴士時竟遇到一位充滿熱誠的司機，當車門一開會向乘客說「請上車」，又會在乘客付錢後說「多謝」，更會向下車的乘客講「拜拜」。司機連串的窩心舉動令發帖網民既驚訝又感動：「原來社會上面仲有人返工返到咁有熱誠」。帖文掀起熱議，有網民亦對這些司機表示十分尊敬，「人哋未必對佢有禮，但都會將自己做到最好」。
網民九十九在連登討論區發帖，以「個巴士佬黐咗線呀！！」為題，指昨日OT工作後，帶着疲憊身軀等九巴214號路線，沒料到巴士到站後車門一開，竟從巴士司機口中聽到不可思議的說話，「架車門一開，個巴士佬講：請上車；每個人上車畀錢嗰下，個巴士佬都會講聲：多謝，唔該晒，Thank you」。
樓主直言嚇了一跳，故此當時只是點頭並微笑一下回應；而當有乘客下車時，「佢（指司機）又同啲人講：拜拜」。司機連串舉動令樓主大為感動，並指雖然「咁多人上車落車其實都冇乜人理佢，係有個阿嬸讚佢好禮貌」，但希望司機可以繼續堅持這種熱誠態度。樓主又謂，打算發電郵到巴士公司表揚該司機。
不少網民都在帖文留言，大讚該司機敬業樂業，以為這種行為只能在台灣、日本地方常見。但亦有網民分享自己遇過的有禮司機，「一上小巴都叫會叫人扣安全帶，每次埋完站開車前又會『坐穩啦，開車啦』咁樣」、「有啲巴士佬係幾好禮貌」，亦有人認為心態決定境界，指「一個進步嘅社會需要多啲依啲人」。不過，亦有網民認為司機「做多咗」。