維港會：清潔龍阿德抽水扮「紅衫魚」新鈔粵劇女角 獲網民激讚

金管局與3間發鈔銀行推出新鈔票，部分設計引起熱議。清潔香港大使「清潔龍阿德」也惡搞抽水，將自己變成「紅衫魚」新鈔上的粵劇女角，笑問：「唔知會唔會提醒到大家日日清潔呢？」帖文獲網民激讚，「你呢張靚好多」；有人更提議「不如整張『$1500』紙幣做宣傳派畀大眾。」
由食環署負責的「清潔龍阿德」facebook專頁，昨晚發帖，題為「全新紅衫魚」。帖文稱：「呢排出咗新嘅鈔票，似乎大家都好關注個新設計喎！如果100蚊紙入面唱粵劇嘅係我，唔知會唔會提醒到大家日日清潔呢？」
帖文又附上惡搞圖「抽水」，可見清潔龍阿德為配合「紅衫魚」，一改綠色造型，並化身成粵劇女角，打扮得惟妙惟肖。帖文hashtag問「#我靚唔靚」。
不少網民都讚好，並留言指「設計抽得妙呀」、「喜歡這個多好多倍」、「阿德你又真係幾靚喎」。另有網民建議「根本要擺你同大嘥鬼上去」，不過「大嘥鬼」就留言稱「我......害羞」。