周秀娜千萬鑽飾拍電影海報 張繼聰侍應上身搞笑全場

周秀娜與張繼聰為導演甄栢榮新片《女皇撞到正》拍攝海報，娜姐穿上白色短裙，戴上千萬鑽飾上陣，金光閃閃，更顯女皇貴氣；阿聰則自嘲衣著似男侍應，服侍珠光寶器的娜姐。拍攝期間，阿聰非常鬼馬，更搞笑說：「女皇駕到！我呢一身侍應打扮唔係嚟上菜，而係為咗女皇，女皇叫我做咩我都會做㗎！」兩人默契十足，一同擺出趣怪的表情，不時逗得工作人員大笑！

這次娜姐和阿聰飾演對歡喜冤家，兩人有最多對手戲，娜姐話：「阿聰係個令人很放心嘅對手，我哋未開拍已經會一齊傾劇本，講吓點樣可以拍好啲，去到片場佢更加比到好大信心我，同佢熟悉嘅程度已經去到非常有默契，所以成部戲很好玩！」娜姐話更令她意想不到的是邵美琪（Maggie）為人非常搞笑：「原來Maggie姐個人係咁幽默，同佢拍戲好輕鬆，所以做戲會好自然！」