維港會：大埔缺德街坊亂拋用過M巾落街 B女衫慘中招

亂拋垃圾人見人憎，大埔有網民更投訴，屋邨樓上單位有住戶扔用過的衛生巾出街外，結果掉在網民的晾衣架上，直言「做人可唔可以有少少公德心？」帖文在網上掀起熱議，異口同聲指責該住戶缺德，建議向管理處反映，「貼通告在大堂」。
網民Ling So周二（17日）在facebook群組「Tai Po 大埔」發帖，指有住客亂拋衛生巾出街外，「做人可唔可以有少少公德心？仲要用過。無嘢呀嘛？」相中可見，樓主的晾衣架當時有掛有衣服，衛生巾正正跌在衣服上。樓主在留言補充，衛生巾最後由母親執走，但由於是跌在女兒的口水肩、衣服上，直言「火都嚟」並想報警。
不少網民在帖文留言，批評樓上住戶毫無公德心，「好核突囉，呢啲嘢都掉出嚟」，建議樓主向房署辦事處反映，再派員前來影相，又笑稱「一人一元夾份驗DNA」；有人則表示「真係唔敢晾衫出出面」。另有網民分享類似經歷，「上面扔過一包尿片掛窗出面（帶屎嘅，仲好臭），仲試過中藥帶煲（煲落咗去，藥掛窗出面）」、「最慘試過魚汁同骨倒落嚟好腥，抹咗好耐先無味」、「我收衫見到有炒飯」。