棄型男靚仔變薯嘜樣 蔡一傑MV玩3P任蝦頭蹂躙

蔡一傑為個人專輯拍攝第3首主打新歌《夜半超人》拍攝MV，多功能的他一身兼多職擔任歌手、導演、選角、形象指導，今次MV大玩3P，男女大被同眠，他又自言一改型男靚仔樣，以薯嘜樣示人，至於扮演女神主角是蝦頭（楊詩敏），傑仔特別安排猛男任她蹂躙摸摸，來個搞笑版的薯仔追女神！
傑仔謂雖然是一首愛情歌，但今次用一個誇張搞笑手法拍攝，即使有3P床戲也是充滿喜劇感，這首歌是講述一名薯仔死心塌地追求女神，可惜女神視他為水泡，每次用完即棄。傑仔表示，蝦頭是他心中第一女主角，當他推介給劇組工作人員時，大家一致贊成，MV中的蝦頭是百變女神，除了有3P床戲，還安排了3位猛男任她抽水摸摸。蝦頭在旁笑問傑仔，說：「我就係你心目中嘅女神個樣？就係呢啲咁呀？我一定要多謝你搵我去拍咁特別嘅MV，因為今次有好多造型，同埋有國際級猛男畀我蹂躙，有外籍猛男圍繞住我，佢好大隻好茁壯，又有傑仔俾我愛錫，我私下都愛你㗎！」傑仔笑說：「其實我都有犧牲色相，平時大家見到我幾型呀！今次要扮一個薯仔造型，因為潘源良寫呢首歌有啲卡通化，所以最緊要好玩！」由於有鏡頭要傑仔半祼上身，他便特別去曬一身結實膚色拍攝！

蝦頭初時對於傑仔邀請她拍MV有些疑問，她笑說：「做女神呢個角色對我嚟講係有啲難度嘅，不過又難得有機會做女神，有幾個造型又可以Sexy下，我有啲鏡頭對住冇著衫嘅傑仔，又可以摸下攬下佢，有床戲仲要3P添，不過呢個係合家歡MV！」傑仔則表示，他第一次見到蝦頭就被她的演技吸引了，他以前是不認識對方的，只是看過對方演出的劇集，覺得是好戲之人，是一個可以多面睇及多元化的演員，所以便速成了大家的合作機會。