蔡一傑搞慈善BBQ慶生 粉絲要畀$50先有得合照

2月6日是草蜢蔡一傑的51歲生日，雖然已是上周二的事，但他卻有停不了的生日聚會，日前他就與一班忠實傑迷大搞慈善BBQ慶祝生日。因為不停有朋友為他慶祝及送上祝褔，傑仔笑言已不知是切第幾個生日蛋糕，不過今年粉絲們特別花心思炮製了3種不同口味的生日蛋糕、壽包及燒豬賀他牛一，他們又玩整蠱蠟蠋搞到傑仔出盡力也吹不熄，要在場的小朋友幫口吹熄。傑仔的生日願望是身體健康，今年勝舊年，世界和平，個個開開心心過每一天！傑仔又對粉絲表示，最緊要是在自己的人生裏活得開心，要反省在過往一年未有做到的事，今年要再努力去做。
傑仔每次與粉絲聚會都會個別影合照，但是今年卻要每人交50大元才能與他selfie，因為他為救助兒童籌款，所以大家要一齊做善事，希望大家知道自己的生存是很幸褔，要多些幫助有需要的人！另外，傑仔在過年期間會到日本拍MV及唱片封套，他說：「我未試過去咁凍地方拍攝，形象指導已經講咗為咗要靚唔可以著得咁臃腫，只能夠著一件T恤最多加件薄外套，要喺冰天雪地度拍，係有啲難度，希望我唔好病，又唔好大風雪，順順利利啦！」