孖阿Sa見證法國世盃封王 容祖兒：嗌破喉嚨都抵呀！

容祖兒(Joey)和蔡卓妍(阿Sa)一向好姊妹，她們近日更約埋一齊飛咗去俄羅斯睇世界盃決賽添！她們在決賽當日預早到咗球場，更大玩自拍及上載靚相到社交網同粉絲做一個現場報道！相中Joey身穿露腰裝並拎住印有FRANCE字樣的毛巾，她留言話：「同啲大人去睇波，預早了很多時間到現場，所以一點都不擠擁不混亂，天氣剛剛好，可以感受到狂歡前的平靜，兩小時後又是完全另一回事，實在是太好的經驗，我猜法國。」在球場內見證法國隊贏波的Joey事後興奮留言話：「嗌破喉嚨都抵呀！」更讚法國隊實至名歸添！