胡杏兒法國拍廣告 入住400年古堡驚到失眠

胡杏兒早前到法國小鎮拍攝廣告，最令她深刻的竟然是入住400年歷史古堡而驚到失眠的經歷。
杏兒形容此行十足大冒險，首次入住法國古堡，被大得好像迷宮的堡壘嚇倒。膽小的她第一晚更因為環境太大和太陰深而嚇得失眠，杏兒說：「好多驚慄電影都係古堡拍，自己一個瞓總係形住形住！」不過，第二天古堡女主人親自帶杏兒參觀堡壘，並再三保證：「放心啦，呢到冇古靈精怪嘅事㗎！我平時都喺呢度住！你放心瞓啦！」杏兒才克服心理障礙，不再自己嚇自己，睡得非常舒服。

杏兒仲大讚古堡女主保養得宜，完全不似已80歲，說：「女主皮膚真係好好，佢仲話會同男朋友出海玩，法國人的生活方式好值得學習，佢哋工作同生活balance做得好好，好識得relax自己！」當然杏兒工作亦不忘家人，說：「有機會一定要帶屋企人嚟呢到度假！」