表演「人肉放飛機」 許廷鏗積極做瑜伽瘦身

歌手許廷鏗(Alfred)早前飛咗去歐洲多國旅遊，食盡各地美食，身形明顯發脹，更慘被網友嘲諷他與「亞洲神童」張如城撞樣，並取笑二人好似失散多年的兄弟，非常慘情！痛定思痛，近日Alfred下定決心積極減肥，更在社交網上載一張做瑜伽的相片。他留言話：「表演人肉放飛機#原諒我個樣 #係有啲難平衡既（嘅） #做開瑜伽既（嘅）請過主 #IBelieveICanFly #ButIDontThinkICanTouchTheSky」相中見他攤開雙手成水平綫，只用單腳支撐身體重量。動作看似簡單，但其實難度好高㗎，真係少啲平衡力及耐力都做唔到！網友留言叫他繼續努力減磅，更問他係未諗住在音樂會表演這個環節添，非常搞笑！