【能成為密友】許廷鏗笑嘻嘻 生日蛋榚贈「鴻鈞」

胡鴻鈞(Hubert)3月27號28歲生日，最期待嘅畫面終於出現！呢排同緋聞老公許廷鏗，成日「孖公仔」出現，兩個仲要笑嘻嘻，許廷鏗仲要搭住「鴻鈞」嘅膊頭，送咗個士多啤梨蛋糕，上面個牌仔寫住「鴻鈞，生日快樂」，睇到都覺得甜！

前排許廷鏗(Alfred)同胡鴻鈞(Hubert)，被發現「巧合」地在Instagram上載了在冰島拍攝嘅相片，之後又「巧合」咁睇北極光，雖然「鴻鈞」堅持自己是單身，只有一些男性朋友，不過佢兩個嘅傳聞就......
許廷鏗仲要將蛋糕合照放上網，留言話「今次真係等到復活先慶祝到生日！#仲有一個一世唔蒲頭 #復活完都見唔到 #早知唔買蛋糕 #食復活蛋慶祝生日好似新穎啲 」。講緊個嗰「一世唔蒲頭」應該係坤哥吳業坤啦！但網友們就關注兩人嘅關係多啲，留言話「能成為密友大概總帶著愛...」、「好登對的一對」、「Kiss Kiss Kiss」、「在一起吧」。