孖李佳芯唱K慶祝 陳炳銓生日做「咪霸」

藝人李佳芯(Ali)一直被網民喻為「最佳女友」，不過她與導演男友陳炳銓(Danny)就一直不被看好，網友更嘲笑陳炳銓與李佳芯是「野獸與美女」。其實Danny蟄伏電視界多年，在電視、電影及舞台劇界都薄有名氣。不過外界點講都好，他們亦懶理這些閒言閒語，關係已經相當穩定。近日陳炳銓生日，Ali就孖男友與一班好友一齊去唱K慶祝，連洪永城都有出席添，認真俾面。壽星仔在社交網上載慶祝的相片，並留言話：「係，係我生日！我係唔會放底(低)支咪既(嘅)！」生日果然係大晒，佢真係諗住做「咪霸」咁喎！有女友與好友共度，相信今年生日Danny一定好難忘了！