麦雅致呻生日被父亲节「骑劫」 张頴康出招氹老婆

张頴康与老婆麦雅致育有一对仔女，前日父亲节一家人当然开心庆祝，不过麦雅致的37岁生日撞正父亲节，向老公撒娇话生日被「骑劫」。识做的张頴康立即出招氹老婆开心，营造二人世界去睇戏，并在社交平台上载锡面珠相晒恩爱。

张頴康留言：「虽然佢系讲笑，但系我见佢都有小小扁嘴！所以，今日乜都唔理，夜晚摆低啲细路畀公公同姐姐睇住，两公婆出去拍吓拖，睇侏罗纪打恐龙！短短三个钟之后，即刻笑返哂，仲容光焕发添！其实，女人真系要氹！就算结咗婚生咗小朋友更加要氹！老婆，生日快乐，我爱你，锡哂你！」冧到晕吖！