軒仔開騷Boyz任嘉賓 合唱《死性不改》全場High爆

張敬軒Hinsideout演唱會第四場，請來好朋友Boyz做嘉賓，Boyz甫出場與軒仔一同合唱《死性不改》引爆全場歡呼狂叫不斷，觀眾的歡呼聲大到連關智斌唱歌聲都聽不到。歌曲中段路讀白，三人又改了台詞， 先是Stephen 問「點解？」繼而望向Kenny：「點解你會來做嘉賓嘅？」Kenny就大聲答，「我鐘意呀，你吹呀？」又再次引爆觀眾，叫聲令整個紅館都似地震。歌唱畢，無論Stephen或張敬軒講什麼，觀眾都一直狂叫，連軒仔都忍唔住反問觀眾，「我都唔知你地叫乜！」

終於觀眾叫左近兩分鐘肯靜下來，軒仔對Stephen 笑說，「嘩，你講嘢佢地都叫到咁，」轉身一指Kenny，咁佢講嘢.........」又再引來觀眾狂叫，叫聲嫌如現場睇世界盃入球。Stephen這時就插口話，「我完成任務啦，我落台先！」Kenny說，「你講嘢呀你！」而軒仔實在敵不過觀眾那種瘋狂一樣叫聲，笑住話，「知唔知咩叫無敵嘅嘉賓呀，佢地係我入行最初相識嘅好朋友，至今次家仲係好朋友，所以我決定第一次六場紅館個唱，一定要請埋佢地來分享。」軒仔又話，「 既然咁耐無見，有啲私人恩怨想係到解決下，我聽講網上有人寫咗個故仔，話你地兩個為咗我喺salon打交，究竟係咪？」

Kenny就即答，「你諗多咗喇張生！我地兩個成日打交架！每次打完交Mani就會打來話，打還打唔好打面嘛！話晒靠個樣搵食。」這時候Stephen坐在一邊不出聲，軒仔問佢做咩，佢就即入位，「我見你地咁耐無見，比你講埋先囉！」軒仔抵不住被他串，笑話：「你又知我地好耐無見？」又引爆觀眾狂叫，更有觀眾不斷大叫：「嘴佢！嘴佢！」

之後軒仔正經返，說真的要答謝Stephen ，因為他是為了來做嘉賓 ，本來橫店拍緊戲都趕回來，Stephen 就客氣回話，自己可以在娛樂圈繼續生存，都是多得軒仔一路以來的幫忙。不過講完正經又開始玩嘢，反問軒仔，「我想問你，你做咩多謝我唔多謝佢？」引得觀眾又再狂叫兼大笑，軒仔話，「我點會唔多謝佢，我重恭喜佢，佢做咗業主嘛！」Stephen 再一次玩Kenny，「你都仲未講，你點解會來做嘉賓？」 Kenny指「我來報仇呀。」Stephen 「報咩仇？隔夜嗰啲呀？噚晚嗰啲仇呀？」引得觀眾又再大叫大笑。而Kenny就真的招架不來，笑住扮想打Stephen ，「喂，我地下午綵排個陣啲稿唔係咁喎。」