轩仔开骚Boyz任嘉宾 合唱《死性不改》全场High爆

张敬轩Hinsideout演唱会第四场，请来好朋友Boyz做嘉宾，Boyz甫出场与轩仔一同合唱《死性不改》引爆全场欢呼狂叫不断，观众的欢呼声大到连关智斌唱歌声都听不到。歌曲中段路读白，三人又改了台词， 先是Stephen 问「点解？」继而望向Kenny：「点解你会来做嘉宾嘅？」Kenny就大声答，「我钟意呀，你吹呀？」又再次引爆观众，叫声令整个红馆都似地震。歌唱毕，无论Stephen或张敬轩讲什么，观众都一直狂叫，连轩仔都忍唔住反问观众，「我都唔知你地叫乜！」

终于观众叫左近两分钟肯静下来，轩仔对Stephen 笑说，「哗，你讲嘢佢地都叫到咁，」转身一指Kenny，咁佢讲嘢.........」又再引来观众狂叫，叫声嫌如现场睇世界杯入球。Stephen这时就插口话，「我完成任务啦，我落台先！」Kenny说，「你讲嘢呀你！」而轩仔实在敌不过观众那种疯狂一样叫声，笑住话，「知唔知咩叫无敌嘅嘉宾呀，佢地系我入行最初相识嘅好朋友，至今次家仲系好朋友，所以我决定第一次六场红馆个唱，一定要请埋佢地来分享。」轩仔又话，「 既然咁耐无见，有啲私人恩怨想系到解决下，我听讲网上有人写咗个故仔，话你地两个为咗我喺salon打交，究竟系咪？」

Kenny就即答，「你谂多咗喇张生！我地两个成日打交架！每次打完交Mani就会打来话，打还打唔好打面嘛！话晒靠个样搵食。」这时候Stephen坐在一边不出声，轩仔问佢做咩，佢就即入位，「我见你地咁耐无见，比你讲埋先罗！」轩仔抵不住被他串，笑话：「你又知我地好耐无见？」又引爆观众狂叫，更有观众不断大叫：「嘴佢！嘴佢！」

之后轩仔正经返，说真的要答谢Stephen ，因为他是为了来做嘉宾 ，本来横店拍紧戏都赶回来，Stephen 就客气回话，自己可以在娱乐圈继续生存，都是多得轩仔一路以来的帮忙。不过讲完正经又开始玩嘢，反问轩仔，「我想问你，你做咩多谢我唔多谢佢？」引得观众又再狂叫兼大笑，轩仔话，「我点会唔多谢佢，我重恭喜佢，佢做咗业主嘛！」Stephen 再一次玩Kenny，「你都仲未讲，你点解会来做嘉宾？」 Kenny指「我来报仇呀。」Stephen 「报咩仇？隔夜嗰啲呀？噚晚嗰啲仇呀？」引得观众又再大叫大笑。而Kenny就真的招架不来，笑住扮想打Stephen ，「喂，我地下午彩排个阵啲稿唔系咁喎。」