【偷食致分手？】陳家樂含淚認「分訊」 余香凝：絕對沒有第三者

入行15年的陳家樂早前憑無線劇《逆緣》中「爺爺」鍾定國一角爆紅，工作接踵而來，亦令與他拍拖近4年的女友余香凝（Jennifer）人氣急升。 二人不時在社交平台放閃，家樂更視Jennifer為結婚對象，沒想以為兩人「打風都打唔甩」之際，昨竟爆出Jennifer偷食新歡。陳家樂被問起時，更含淚承認「分訊」，指是二人共識；女方亦透過公司證實兩人已經分手。

陳家樂與Jennifer因合作拍港台劇《總有出頭天II》擦出愛火，男方事業處於低潮時，女方依然默默支持，甘苦與共。兩人後來經歷車禍，家樂事後表示希望照顧Jennifer一世，女方則表示冧爆，並指二人都對感情認真。
不過，本來被視為「金童玉女」的兩人，近日被揭已經分手，有指是因為Jennifer有第三者，她透過公司回應分手一事，指「我同家樂的確係分咗手，係大家雙方坐低落嚟傾嘅決定，但當中絕對沒有第三者，報道中既Victor只是朋友，我十幾歲就識佢，今個月尾我同佢仲有另外兩個Partner會開間燒肉舖，嚟緊我又要飛，所以約埋一齊上佢屋企開會。我唔想令身邊人無辜受牽連，希望大家可以留返啲空間畀我哋！」