Jessica C.傷風 安志杰晒麒麟臂幫太太加油

名模Jessica C.(JC)去年年底宣布再度榮升媽咪，為老公安志杰懷有第二胎；她早前更在社交網上載了多張火辣孕照，睇到網友流晒鼻血！JC近日又在社交網甫相，不過今次就唔係性感孕照，而是產前檢查的相片。其中一張相見到JC戴上口罩躺在牀上，她留言話自己唔小心患上傷風，認真黑仔！而有「廿四孝老公」之稱的安志杰就好識做，不僅在牀邊陪伴太太，更力谷麒麟臂做出一個力士姿勢幫太太加油，真係好貼心！