抱朋友囡囡合照 阿嬌慈母樣出晒嚟

「阿嬌」鍾欣潼上月底與「醫界王陽明」賴弘國在洛杉磯舉行婚宴，正式升呢做幸福人妻，圈中好友及粉絲都非常替她高興！一向喜歡小朋友的阿嬌雖然暫時未有好消息公布，不過近日她在社交網甫出的新相當中，就成個慈母樣出晒嚟啦！

話說阿嬌近日參加朋友囡囡的生日派對，她送上一大盒糖果禮盒給壽星女做禮物，更抱著壽星女合照。阿嬌留言話：「預祝得意毛毛豬生日快樂 #發燒中 #慘慘豬 #快啲好番就可以食糖糖啦 #你記得請番一粒好好味嘅糖糖俾(畀)我同你好鐘(鍾)意嘅michael哥哥喎。」阿嬌抱著小朋友影相時眼神溫柔，不經意流露出一臉慈母樣。相片一出，網友都留言表示：「看來夫妻倆都喜歡孩子」、「不當媽對不起自己」、「從眼神看出有一個愛孩子的心」、「什麼時候輪到妳當媽媽」，睇嚟網友都非常期待阿嬌有好消息宣布咁喎！