出手幫達哥洗頭 衛詩雅求加入打機團隊

鍾意打機的衛詩雅，試過在社交平台招隊友一齊打機，又試過向網民求救：「如何打機不被母親發現？」最近詩雅與「打機達人」 達哥一起拍廣告，詩雅當然不會放過機會找達哥取經，達哥就同詩雅分享了打機心得和推介新遊戲。其中一部分詩雅在廣告中幫達哥洗頭，達哥說：「好開心有專人幫我洗頭！」詩雅趁機會約埋達哥一齊打機，要求達哥：「可唔可以carry我呀（預埋一齊玩）？」達哥個頭在詩雅手上，就笑笑回應：「梗係可以啦。」

詩雅在廣告中扮演法官，以超長髮示人，被問到寧願揀光頭還是「barcode頭」的男朋友，詩雅說：「我揀光頭男朋友吧，因為『barcode頭』走到街上好引人注目，我驚人哋望佢多過望我，不過揀男朋友最緊要係心地好。」詩雅最驚變barcode頭，搞笑說：「假如有天起身發現自己變了『barcode頭』，我會即刻落超級市場，將個頭拍落barcode機睇吓嘟唔嘟到，我好想睇吓我值幾錢。」