衛詩雅唔帶手機行山阿媽鬧爆 湯怡同男友慶生忘訂蛋糕

英皇集團（國際）有限公司主席陸小曼與藝人衛詩雅、湯怡和吳浩康出席善寧會《登山善行2018》。衛詩雅自爆行山瘀事一樁，說：「由於跑山是最快消水腫的方法，有次工作前，我特別到屋企附近行山，仲好絕咁唔帶手機和銀包，等自己唔可以半途截的士。原本以為好聰明，點知行行下迷路，只見到豬和羊，後來行到出公路，又夠鐘開工，終於決定先上的士，再問司機借電話打畀媽咪求救，雖然媽咪無接聽到，但司機都肯車我返屋企攞錢；晚上被媽咪知道後鬧咗我好耐，亦從此唔敢去到咁絕的一個人行山。」
湯怡則笑指行山等同要她追男仔，因體能不及男仔好，幸好不用追男友洪卓立，因她稱與男友行山還可以，但講到跑步和跑山，男友都不夠她來。問到如何慶祝男友本月2日的31歲生辰？她先說有點不好意思，因忘記訂蛋糕，會後補，但亦補充指二人已慶祝過11個生日，一切從簡。吳浩康就問，如果反過來是洪卓立忘記湯怡的生辰又如何？湯怡大方指無所謂。吳浩康即說：「你現在就當然口輕輕…不過我都記唔到女朋友生日或特別日子，記憶所及是還會卑鄙到不會補救。」詩雅和湯怡即搞笑地你一言、我一語的示範審男友「今日我有乜唔同？」、「今日係乜日子？」等，吳浩康即說：「我都有得出招，就係反問對方，當日我著乜嘢衫？狂問對方答不到的問題！」（攝影：林子棠）