案件重演！衛詩雅拍片自爆旅行烏龍事

藝人平日工作忙碌，所以一有時間都喜歡到外地旅行放鬆一下兼充電，衛詩雅(Michelle)近日就一個人去了墾丁學滑水。一個女仔出門，始終都應該小心一點嘅，不過自以為自己好小心的Michelle就發生了一件𤓓事，她還大方拍片將𤓓事放上網與大家分享。片中的她一臉嚴肅咁話：「因為自己一個女仔去旅行嘅關係，我異常小心同謹慎，我臨瞓前好聰明咁，將個行李喼擺喺道門後面頂住，諗住咁樣會非常之安全。點知第二朝起身嘅時候，我居現發現……道門係向外開㗎！」網友睇完這個「案件重演」後，都大讚Michelle好搞笑，更叫她日後拍多啲喜劇！