【爭產風波】羅啟瑞澄清傳媒報道不準確 並非「阿媽幫你打官司」

鷹君集團創辦人羅鷹石的遺孀羅杜莉君（羅老太），入稟控告家族基金信託人公司匯豐國際信託有限公司一案，今在高等法院開審。羅老太六子羅啟瑞於休庭後會見傳媒，澄清傳媒指他和三哥羅嘉瑞爭產的說法不準確，希望傳媒日後寫清楚事實。

對於傳媒指羅老太為了羅啟瑞打官司，羅啟瑞回應道：「太抬舉我啦。」他又舉例說：「如果你阿媽畢生積蓄擺喺銀行度，你阿媽攞唔到，咁你會唔會幫佢攞呢？幫佢攞嘅話，幫佢打官司，咁係阿媽幫你打官司，定係你幫阿媽打官司呢？如果你有啲阿哥幫銀行，銀行話唔畀返啲嘢你媽媽，銀行話唔使畀媽媽，就派哂畀啲仔女，阿哥就幫銀行，咁你話阿媽係幫邊個打官司呢？」

羅啟瑞曾於今年3月提出所有兄弟姊妹於1個月內共同簽署具法律效力的協議和解，記者今再問及此事時，羅啟瑞直言：「（時限）過哂啦，我唔理佢地架啦！」又說：「大家日日都分手架啦，和唔和解真係唔輪到我地講。」

法庭記者：黃梓生