貓主子手術後生日 暖男袁文傑去新疆唔捨得

袁文傑入咗TVB之後，唔少劇都好有型，而家係《愛回家》飾演嘅游生，更加吸引唔少女fans。呢位高大威猛嘅型男，現實中原來都係一個暖男，仲係一個貓奴添！不過，佢嘅愛貓囝仔，早前曾經做手術，今日係術後第一次生日，偏偏袁文傑要出發新疆，佢就話要抱抱佢，「盼望囝仔努力加油，Daddy儘力令你舒服點，但這段時間，要靠媽咪好好照料喇」。

袁文傑係不折不扣嘅貓奴，但離別嘅痛苦，佢唔係第一次感受。宜家呢隻貓「囝仔」，其實以前仲有隻貓妹妹囡囡，但係2010年11月時，囡囡患上 FIV（貓科免疫缺乏病毒），好景不常「囝仔」及後都出現問題。袁文傑早前話「囝仔要入院做一個手術，有一定風險，但若不處理，更有生命危險⋯⋯
這多年以來，他都是胖胖的，但近半年體重一直下降，雖已止住了，其實已輕了20%，看了多次醫生，可愈發覺只靠普通吃藥根本不能找出問題所在⋯⋯
我知道囝仔自己一個等待一晩，餓著肚皮，一定很難受，但沒有辦法，今日的檢驗，曾希望有較好消息，但始終，一段時間的不妥，其實是存在已久的問題，一定要解決！聽了那些條文，我想沒人願意聽到的，也是要聽，也是要簽下那些同意書⋯⋯但願你之前不是太辛苦，一直默默忍受，而令我沒察覺到多些，那真的不易。
囝仔，希望你能捱過這關，這接近9年的時間，自己也有很多變化，你看著看著，相信能感受到...」。
昨晚，他又再寫到「今早天未亮便要出發，前往新疆，要抱抱小囝仔，因為，今天是他的Happy Birthday🎂 😋，因為之前遇到的狀況，所以今天特別具意義，只盼望囝仔努力加油，Daddy儘力令你舒服點，但這段時間，要靠媽咪好好照料喇😋」。祝願囝仔加油，咁袁文傑都開心啲啦。