落場踢波連中三元 劉浩龍大方晒肌慶祝

早前歌手劉浩龍(師兄)忙於籌備自己的個人演唱會，演唱會過後，師兄終於可以鬆番一口氣啦！一向熱愛足球的他，近日就約埋朋友去踢波，更在社交網甫自拍照。第一張相，師兄穿著曼聯波衫，好神氣咁對著鏡頭自拍並留言話：「Happy day 終於有得踢波啦」似乎是因為早前的演唱會搞到他冇晒時間踢波！

可能因為波癮發作，師兄一落場就狀態大勇，更連中三元添！賽後他興奮地甫出半裸自拍照大騷肌肉，並留言：「復出狀態好好，入三粒一個助攻。」雖然師兄大方晒肌，不過就用士多啤梨公仔遮著兩點，並用眼鏡圖案遮著雙眼，非常鬼馬！