羅家英出手救林芊妤 批林敏驄為流氓

梁漢文、林敏驄、羅家英、林芊妤（Coffee）等出席ViuTV遊戲節目《Goof Night Show全民星戰發布會》，一向愛搞搞陣的林敏驄，揶揄拍檔梁漢文醉駕事件外，玩遊戲期間又叫身穿貼身露肩露腰衫的Coffee即做拱橋及跳幾下做熱身，幸得家英哥主動迎救Coffee，輕托其纖腰做出拱橋動作。
對於節目由原本於晚上10時半播映，現改為黃金時段8時，硬撼無節目《愛．回家之開心速遞》，林敏驄即笑指梁漢文較大壓力，又指初時拍節目時見到梁漢文心事重重，後來好似開籠雀開心晒。梁漢文笑謂：「唔講呢啲，節目調動時間無壓力，最緊要多個選擇畀觀眾。」兩人又大讚ViuTv今次好落本。
對於被林敏驄頻頻整蠱，Coffee坦言幸好有家英哥在場出手相助。家英哥笑謂太太汪明荃也會讚他做得好，保護女性不要被抽水，自稱是紳士。他說：「佢係流氓，唔應該姓林，應該姓流，叫流氓驄。佢唔抵得我靚仔，所以佢搽晒粉又胭脂都咁樣衰。」他透露5月2日跟太太結婚9周年記念日，兩人會到上海順道看京劇，今年亦會去美國探望太太的弟弟兼旅遊，視乎情況能否去埋日本。（攝影：譚志光）